నాకంటూ నీవొకరుంటే

తడిపొడిగా నువ్వు నేనూ
జడివానకు బందీలైతే
వెఱ్ఱివాళ్ళు తడిసేరంటూ
మర్రిచెట్టు నీడిస్తుంది

ఎక్కడిదో టక్కరిపిడుగు
దడదడమని జడిపిస్తుంటె
గుండెలవిసి నువ్వు నేనూ
కౌగిట్లో కరచుకుపోతే
మెరుపుతీగ దీవిస్తుంది
అడవంతా హర్షిస్తుంది

నాకంటూ నీవొకరుంటే

నా చేతిని నీచేయుంచి

నాఎదపై నీ శిరసుంచి

ఆ దట్టపుటడవి దారిలో

లోలోనికి పోతూవుంటే

చీకట్లో బావుంటుంది

నాకంటూ నీవోకరుంటే

చీకటి మాయమౌతుంది

నువ్వు పలక్కపోతే, నీ మౌనంతో నా హృదయాన్ని నింపుకొని వోర్చుకొని వూరుకుంటాను.
సహనంతో తలక్రిందకి వొంచి నక్షత్రాలతో నిరీక్షణలో నిలిచే రాత్రివలే నేను కూచుని వుంటాను,మెదలకుండా.

తప్పదు,తెలవారుతుంది.చీకటి మాయమౌతుంది.
స్వర్ణధారలతో ఆకాశాన్ని చీల్చుకుని నీ కంఠం వర్షిస్తుంది.
అప్పుడు ప్రతి పక్షి కులాయం లోంచి నీ మాటలు పాటలుగా  రెక్కలు  చాస్తాయి.
నా లోని అరణ్య నికుంజాలలో నీ రాగాలు పువ్వులుగా బద్దలువుతాయి.

అంతం లేదు

తెగిన నక్షత్రాల నుండి
వెలువడుతుందో వసంతరాగం
రాతి గుండె నుండి
చిగురిస్తుందో మొక్క

ఎరుపు పరిమళం

మనిషేలేడా !

కమ్మో,రెడ్డో,కాపో
అంటాడు గాని
మనిషినని చెప్పడేం ?


హిందువో,ముస్లిమో,క్రిస్టియనో
అంటాడు గాని
మనిషినని చెప్పడేం ?


ఇండియనో,అమెరికనో,రష్యనో
అంటాడు గాని
మనిషినని చెప్పడేం ?

అసలిక్కడ మనుష్యులే లేరా ?

వీళ్ళంతా మనుషులు కారా ?

సొమరిపోతు

కాలు తీసి
కాలు వేసేది
దున్నేపోతు !
కాలు మీద
కాలు వేసేది
దున్నపోతు !

గ్లోబలి

మనిషికై
సరుకులు పుట్టడం
సివిలైజేషన్!
మనిషినే
సరుకుగా పెట్టడం
గ్లోబలైజేషన్ !

కొబ్బరికాయ

తనని రాయికేసి
కొట్టినందుకు
కన్నీరు కురిసినా
రాతిబోమ్మలను తలచి కొలిచే
నీ మూడత్వానికి
తెల్లగా పగలబడినవ్వుతుంది

--సింగంపల్లి అశోక్ కుమార్ -

How to Surf Web Anonymously?

Many times, we all would like to surf the web anonymously for Privacy from other people or for the Privacy from the Web.


By surfing web anonymously one can maintain a good distance with hackers and other intruders. No one will know who you are, where you're connecting from or what sites you are visiting. Isn’t that sounding good? J

It is estimated that 90% of all computers are infected with some form of spyware that may track keystrokes, allowing criminals to learn passwords and bank account numbers—essentially giving them access to anything and everything on your computer.

As you all know An IP address is necessary for the Internet to work. The only way a Web server can send the contents to your browser is if it has your computer's IP address on the network. Cookies are another way for an outside source to track your web surfing habits. They're basically designed to save your time on your subsequent visits, but they run risk of collecting information about you. However, cookies cannot be used to run code (run programs) or to deliver viruses to your computer.

గుండుసూది

ఓ సారి ఒకాయన గాంధీగారి మీద విమర్శనాత్మకం గా కొన్ని పేజీలు వ్రాసి, ఆయనని పూర్తిగా చదవమంటే--చదివి, ఆ కాగితాలకి గుచ్చిన గుండుసూదిని తీసుకొని, కాగితాలు తిరిగి ఇచ్చేశాడట! మీ అభిప్రాయం చెప్పలేదేమంటే, 'ఇందులో విలువైనది తీసుకున్నానుగా?' అని బోసినోటితో నవ్వాడటా మహత్ముడు.

అద్వైతం

ఆనందం అర్ణవమైతే,
అనురాగం అంబరమైతే----
అనురాగపు టంచులు చూస్తాం,
ఆనందపు లోతులు తీస్తాం. నీ కంకణ నిక్వాణంలో,
నా జీవన నిర్వాణంలో---
నీ మదిలో డోలు తూగీ,నా హృదిలో జ్వాలలు రేగీ---
నీ తలపున రేకులు పూస్తే,
నా వలపున బాకులు దూస్తే---
మరణానికి ప్రాణం పోస్తం,
స్వర్గానికి నిచ్చెన వేస్తాం.
హసనానికి రాణివి నీవై,
వ్యసనానికి బానిస నేనై---
విషమించిన మదీయ ఖేదం,
కుసుమించిన త్వదీయ మోదం---
విషవాయువులై ప్రసరిస్తే,
విరితేనియలై ప్రవహిస్తే---
ప్రపంచమును పరిహాసిస్తాం,
భవిష్యమును పరిపాలిస్తాం.
వాసంత సమీరం నీవై,
హేమంత తుషారం నేనై---
నీ ఎగిరిన జీవవిహంగం
నా పగిలిన మరణమృదంగం
చిగురించిన తోటలలోనో---
చితులుంచిన చోటులలోనో---
వలయుములై జ్వలించినపుడే,
విలయుములై జ్వలించినపుడే---
కాలానికి కళ్ళేం వేస్తాం,
ప్రేమానికి గొళ్ళెం తీస్తాం
నీ మోవికి కావిని నేనై,
నా భావికి దేవివి నీవై---
నీ కంకణ నిక్వాణంలో,
నా జీవన నిర్వాణంలో,
ఆనందం అర్ణవమైతే,
అనురాగం అంబరమైతే---
ప్రపంచమును పరిహాసిస్తాం,
భవిష్యమును పరిపాలిస్తాం.