Friday, December 24, 2010

ఎరుపు పరిమళం



మనిషేలేడా !

కమ్మో,రెడ్డో,కాపో
అంటాడు గాని
మనిషినని చెప్పడేం ?


హిందువో,ముస్లిమో,క్రిస్టియనో
అంటాడు గాని
మనిషినని చెప్పడేం ?


ఇండియనో,అమెరికనో,రష్యనో
అంటాడు గాని
మనిషినని చెప్పడేం ?
అసలిక్కడ మనుష్యులే లేరా ?
వీళ్ళంతా మనుషులు కారా ?



సొమరిపోతు

కాలు తీసి
కాలు వేసేది
దున్నేపోతు !
కాలు మీద
కాలు వేసేది
దున్నపోతు !


గ్లోబలి

మనిషికై
సరుకులు పుట్టడం
సివిలైజేషన్!
మనిషినే
సరుకుగా పెట్టడం
గ్లోబలైజేషన్ !



కొబ్బరికాయ

తనని రాయికేసి
కొట్టినందుకు
కన్నీరు కురిసినా
రాతిబోమ్మలను తలచి కొలిచే
నీ మూడత్వానికి
తెల్లగా పగలబడినవ్వుతుంది

--సింగంపల్లి అశోక్ కుమార్ -

Sunday, April 11, 2010

How to Surf Web Anonymously?

Many times, we all would like to surf the web anonymously for Privacy from other people or for the Privacy from the Web.


By surfing web anonymously one can maintain a good distance with hackers and other intruders. No one will know who you are, where you're connecting from or what sites you are visiting. Isn’t that sounding good? J
It is estimated that 90% of all computers are infected with some form of spyware that may track keystrokes, allowing criminals to learn passwords and bank account numbers—essentially giving them access to anything and everything on your computer.
As you all know An IP address is necessary for the Internet to work. The only way a Web server can send the contents to your browser is if it has your computer's IP address on the network. Cookies are another way for an outside source to track your web surfing habits. They're basically designed to save your time on your subsequent visits, but they run risk of collecting information about you. However, cookies cannot be used to run code (run programs) or to deliver viruses to your computer.




Monday, March 8, 2010

గుండుసూది

ఓ సారి ఒకాయన గాంధీగారి మీద విమర్శనాత్మకం గా కొన్ని పేజీలు వ్రాసి, ఆయనని పూర్తిగా చదవమంటే--చదివి, ఆ కాగితాలకి గుచ్చిన గుండుసూదిని తీసుకొని, కాగితాలు తిరిగి ఇచ్చేశాడట! మీ అభిప్రాయం చెప్పలేదేమంటే, 'ఇందులో విలువైనది తీసుకున్నానుగా?' అని బోసినోటితో నవ్వాడటా మహత్ముడు.

Saturday, March 6, 2010

అద్వైతం

ఆనందం అర్ణవమైతే,
అనురాగం అంబరమైతే----
అనురాగపు టంచులు చూస్తాం,
ఆనందపు లోతులు తీస్తాం. నీ కంకణ నిక్వాణంలో,
నా జీవన నిర్వాణంలో---
నీ మదిలో డోలు తూగీ,నా హృదిలో జ్వాలలు రేగీ---
నీ తలపున రేకులు పూస్తే,
నా వలపున బాకులు దూస్తే---
మరణానికి ప్రాణం పోస్తం,
స్వర్గానికి నిచ్చెన వేస్తాం.
హసనానికి రాణివి నీవై,
వ్యసనానికి బానిస నేనై---
విషమించిన మదీయ ఖేదం,
కుసుమించిన త్వదీయ మోదం---
విషవాయువులై ప్రసరిస్తే,
విరితేనియలై ప్రవహిస్తే---
ప్రపంచమును పరిహాసిస్తాం,
భవిష్యమును పరిపాలిస్తాం.
వాసంత సమీరం నీవై,
హేమంత తుషారం నేనై---
నీ ఎగిరిన జీవవిహంగం
నా పగిలిన మరణమృదంగం
చిగురించిన తోటలలోనో---
చితులుంచిన చోటులలోనో---
వలయుములై జ్వలించినపుడే,
విలయుములై జ్వలించినపుడే---
కాలానికి కళ్ళేం వేస్తాం,
ప్రేమానికి గొళ్ళెం తీస్తాం
నీ మోవికి కావిని నేనై,
నా భావికి దేవివి నీవై---
నీ కంకణ నిక్వాణంలో,
నా జీవన నిర్వాణంలో,
ఆనందం అర్ణవమైతే,
అనురాగం అంబరమైతే---
ప్రపంచమును పరిహాసిస్తాం,
భవిష్యమును పరిపాలిస్తాం.

Tuesday, February 23, 2010

కిటికీ తెరిస్తే


కిటికీ తెరిస్తే
ఏపుగా పెరిగిన చెట్టుమీద ఎర్రని పువ్వొకటి విరిసి
ఎండలో మెరుస్తూ ఇదేనిజం ఇదేనిజం అని నవ్వుతూ
అంతలో రాలిపొయింది
వింతగా స్మృతిలో మాత్రం మిగిలింది.


    
19-11-1997...........05-02-2009
                                                                                                                  
                                                  

Sunday, February 14, 2010

ఆధ్యాత్మికవాదం... హేతువాదం

ఆధ్యాత్మికవాదంలో ఆలోచన తాకట్టు పడుతుంది. అందులో మనిషి పెరగడు. హేతువాదం అనంతం. నిరంతర శాస్త్రీయ దృక్పథంతో సాగిపోతూ కొత్త విషయాలను స్వీకరిస్తూ తమ పాత విషయాలను సరిదిద్దుకుంటూ పోతుంటుంది. ఇది అభ్యుదయ విధానం.

Friday, February 12, 2010

అమృతం కురిసిన రాత్రి

అమృతం కురిసిన రాత్రి
అందరూ నిద్రపోతున్నారు
నేను మాత్రం
తలుపు తెరిచి ఇల్లు విడిచి
ఎక్కడికో దూరంగా
కొండదాటి కోనదాటి
వెన్నెల మైదానంలోకి
వెళ్ళి నిలుచున్నాను.

ఆకాశం మీద అప్సరసలు
ఒయ్యారంగా పరుగులెత్తుతున్నారు
వారి పాదాల తారామంజీరాలు
ఘల్లు ఘల్లని మ్రోగుతున్నాయి
వారి ధమ్మిల్లాల పారిజాతాలు
గుత్తులు గుత్తులై వేలాడుతున్నాయి
వారు పృధు వక్షోజ నితంబ భారలై
యోవన ధనుస్సుల్లా వంగిపోతున్నారు.

నన్ను చూసిచూసి కిలకిల నవ్వి ఇలా అన్నారు
చూడు వీడు
అందమైన వాడు
ఆనందం మనిషైనవాడు
కలల పట్టు కుచ్చులూగుతూన్న కిరీటం ధరించాడు
కళ్ళ చివర కాంతి సంగీత గీతాన్ని రచిస్తున్నాడు

ఎర్రని పెదవులమీద తెల్లని నవ్వుల వీణల్ని మీటుతున్నాడు
ఎవరికీ దొరకని రహస్యాల్ని వశపరుచుకున్నాడు
జీవితాన్ని ప్రేమించినవాడు జీవించడం తెలిసినవాడు

నవనవాలైన ఊహవర్ణార్ణవాల మీద ఉదయించిన సూర్యుడు
ఇతడే సుమీ మన ప్రియుడు,నరుడు,మనకి వరుడు

జలజలమని కురిసింది వాన
జాల్వారింది అమృతంపు సోన
దోసిళ్ళతో తాగి తిరిగి వచ్చాను
దుఃఖాన్ని చావుని వెళ్ళిపొమ్మన్నాను
కాంక్షా మధుర కాశ్మీరాంబరం కప్పుకున్నాను
జీవితాన్ని హసన్మందార మాలగా భరించాను
జైత్రయాత్ర పధంలో తొలి అడుగు పెట్టాను.


అమృతం కురిసిన రాత్రి
అందరు నిద్రపోతున్నారు
అలసి నిత్యజీవితంలో సొలసి సుషుప్తి చెందారు
అలవాటునీ అస్వతంత్రతనీ కావలించుకున్నారు
అధైర్యంలో తమలో తాము ముడుచుకుపోయి పడుకున్నారు
అనంత చైతన్యోత్సవాహ్వానాన్ని వినిపించుకోలేక పొయారు

అందుకే పాపం
ఈనాటికీ ఎవరికీ తెలియదు
నేను అమరుడని

-తిలక్